Slys í frítíma

Rannstu í hálku þegar þú varst úti að hlaupa eða dastu af hestbaki? Ef þú slasast í frítíma getur þú átt rétt á bótum úr slysatryggingu. Frítímaslysatrygging er oftast innifalin í heimilis- og fjölskyldutryggingum en einnig getur bótaréttur verið til staðar samkvæmt öðrum tryggingum.

Hvaða rétt þú átt fer meðal annars eftir því hvaða tryggingar eru í gildi og skilmálum þeirra. Því er mikilvægt að kanna tryggingaverndina vel í hverju tilviki.

Hafa samband

Það sem þú ættir að vita

Slys í frítíma

Í sumum kjarasamningum er gert ráð fyrir að vinnuveitandi kaupi slysatryggingu vegna slysa í frítíma fyrir starfsfólk sitt. Þetta á oft við um starfsfólk ríkisins og sveitarfélaga. Hafir þú keypt almenna slysatryggingu tekur hún til frítímaslysa jafnt sem vinnuslysa.

Slysatrygging almannatrygginga greiðir bætur vegna slysa við heimilisstörf. Til þess að hún sé í gildi þarft þú að hafa valið hana á skattframtali þínu.

Ef einhver annar ber ábyrgð á slysinu, beint eða óbeint, getur einnig verið bótaréttur úr ábyrgðartryggingu. Það leiðir yfirleitt til umfangsmeiri bótaréttar.

Fyrirvaralaus líkamsárás getur flokkast sem slys í frítíma.

Mikilvægt að tilkynna slys í frítíma

Mikilvægt er að tilkynna slysið sem fyrst til allra bótaskyldra aðila svo bótaréttur glatist ekki. Fortis getur farið yfir hvaða tryggingar kunna að eiga við, metið stöðuna og aðstoðað við að koma tilkynningum til réttra aðila.

Hér fyrir þig

Mikilvægt er að tilkynna slys sem fyrst til allra bótaskyldra aðila svo bótaréttur glatist ekki. Hafðu samband við lögmenn Fortis til að fá mat á stöðunni. Við viljum að þú nýtir þér þekkingu okkar til að hjálpa þér í gegnum erfitt tímabil.

Fortis

Hafa samband

Slys í frítíma

Dæmi

38 ára / Hnéáverki

Leitað til Fortis tveimur vikum eftir slysið. Fyrsta verkefni Fortis var að aðstoða við að tilkynna slysið bæði vegna frítímaslysatryggingar og slysatryggingar vinnuveitanda (viðkomandi var tryggður allan sólarhringinn samkvæmt kjarasamningi). Fortis sá um öll samskipti við bótaskylda aðila og hlutaðist til um nauðsynlega gagnaöflun. Tæpu ári eftir fyrsta viðtal lágu öll gögn fyrir og við fengum hlutlausan matsmann til að meta afleiðingar slyssins.

Matsniðurstaða lá fyrir sex vikum eftir matsfund: 9% læknisfræðileg örorka/varanlegur miski. Samanlagðar bætur námu u.þ.b. 2.800.000 kr.

58 ára / Upphandleggsbrot

Leitað til Fortis ellefu mánuðum eftir slysið. Fyrsta verkefni Fortis var að aðstoða við að tilkynna slysið bæði vegna frítímaslysatryggingar og slysatryggingar vinnuveitanda (viðkomandi var tryggður allan sólarhringinn samkvæmt kjarasamningi). Fortis sá um öll samskipti við bótaskylda aðila, hlutaðist til um nauðsynlega gagnaöflun og sá til þess að útlagður sjúkrakostnaður yrði endurgreiddur. Hálfu ári eftir fyrsta viðtal lágu öll gögn fyrir og við fengum hlutlausan matsmann til að meta afleiðingar slyssins.

Matsniðurstaða lá fyrir átta vikum eftir matsfund: 5% læknisfræðileg örorka/varanlegur miski. Samanlagðar bætur námu u.þ.b. 850.000 kr.

Við biðjum þig að hafa í huga að hvert mál er einstakt og það eru margar breytur sem hafa áhrif á bótafjárhæðina, t.d. sú trygging sem á í hlut, aldur og matsniðurstaða. Þegar um uppgjör á grundvelli skaðabótalaga er að ræða skipta meðaltekjur fyrir slys einnig máli.

Kynntu þér ferlið

Fortis fylgir þér alla leið

Skref 1

Tilkynning

Mikilvægt er að tilkynna slys sem fyrst til tryggingafélags svo bótaréttur glatist ekki. Lögmenn Fortis aðstoða þig við að tilkynna ef þess er þörf.

Skref 2

Gagnaöflun & meðferð

Þegar þú slasast er mikilvægt að sinna meðferð vel og fylgja ráðleggingum frá læknunum þínum eða sjúkraþjálfurum. Í slysamálum þurfa að liggja fyrir gögn um tjónið, t.d. gögn frá lögreglu og/eða Vinnueftirlitinu, en einnig frá læknum og/eða öðrum meðferðaraðilum . Lögmenn Fortis sjá um að afla nauðsynlegra gagna.

Skref 3

Mat á afleiðingum

Þegar öll gögn liggja fyrir, er hægt að meta afleiðingar slyssins. Almennt er fyrst hægt að meta þegar ár er liðið frá slysadegi. Lögmenn Fortis sjá um og aðstoða þig í gegnum matsferlið.

Skref 4

Uppgjör

Lögmenn Fortis senda bótakröfu á grundvelli matsins. Í flestum tilvikum næst samkomulag um bótagreiðslu en í þeim tilvikum þar sem ekki næst samkomulag sjá lögmenn Fortis um málshöfðun.

Spurt og svarað

Hvenær er orðið of seint að sækja slysabætur eða skaðabætur?

Best er að ráðfæra sig við lögmann sem fyrst eftir slys en oft uppgötvar fólk ekki fyrr en löngu síðar að það eigi rétt á bótum. Þá mælum við með að hafa samband við okkur og við förum yfir mögulegt framhald. Í mörgum tilvikum hefur náðst góður árangur þrátt fyrir að langur tími sé liðinn.

Reglur um fyrningu eru mismunandi eftir því um hvernig slys ræðir. Nú gildir almennt sú regla að bótakröfur fyrnast á 10 árum eftir að hinum slasaða mátti verða tjónið ljóst en þó í síðasta lagi 20 árum frá slysdegi. Sérreglur gilda um fyrningu bótakrafna vegna umferðarslysa, fyrir 1. janúar 2020 gátu bótakröfur fyrnst á fjórum árum frá því að hinum slasaða mátti verða tjónið ljóst en þó í síðasta lagi að liðnum 10 árum frá slysdegi. Eftir 1. janúar 2020 fyrnast bótakröfur vegna umferðarslysa þegar tíu ár eru liðin frá slysdegi.

Í flestum tilvikum þarf tjónþoli að tilkynna slys innan árs frá því hann mátti gera sér grein fyrir afleiðingum slyssins og getur bótaréttur fallið niður ef það hefur ekki verið gert. Þegar um frítíma- og vinnuslys er að ræða þarf endanlegt örorkumat einnig að liggja fyrir innan þriggja ára frá því slys varð. Liggi það ekki fyrir innan tímamarka getur bótaréttur einnig fallið niður. Vegna þessara reglna reynir sjaldnar á fyrningarfrestinn.

Hvað telst slys í frítíma?

Slys sem á sér stað utan vinnu telst yfirleitt slys í frítíma. Það getur til dæmis átt við ef þú slasast innan heimilis, við íþróttaiðkun, útivist, ferðalög eða önnur verkefni og tómstundir í daglegu lífi. Slys við iðkun keppnisíþrótta falla að jafnaði ekki undir heimilis- eða fjölskyldutryggingar.

Það fer eftir aðstæðum hverju sinni hvaða tryggingar taka til slyssins.

Hvaða tryggingar geta greitt bætur vegna slyss í frítíma?

Frítímaslysatrygging er oftast innifalin í heimilis- og fjölskyldutryggingum. Einnig getur almenn slysatrygging tekið til frítímaslysa og í sumum kjarasamningum er gert ráð fyrir slysatryggingu fyrir starfsfólk sem gildir allan sólarhringinn. Slys við heimilisstörf falla undir slysatryggingu almannatrygginga.

Ef annar aðili ber ábyrgð á slysinu getur jafnframt komið til greiðslu bóta úr ábyrgðartryggingu hans.

Get ég átt rétt á bótum úr fleiri en einni tryggingu?

Já, í sumum tilvikum getur bótaréttur verið til staðar úr fleiri en einni tryggingu. Til dæmis getur frítímaslysatrygging átt við samhliða slysatryggingu vinnuveitanda sem gildir allan sólarhringinn samkvæmt kjarasamningi.

Skoða þarf tryggingavernd og skilmála í hverju máli til að meta hvaða réttur er til staðar.

Hvað þarf ég að passa upp á eftir slys í frítíma?

Það er mikilvægt að leita til læknis eins fljótt og kostur er eftir slys. Ef langur tími líður frá slysi og þar til leitað er til læknis getur orðið erfitt að sanna að áverki sé afleiðing slyssins.

Þú þarft að geyma frumrit kvittana vegna læknis-, lyfja- og sjúkraþjálfunarkostnaðar svo hægt sé að gera kröfu um endurgreiðslu kostnaðar.

Hversu háar bætur get ég fengið vegna frítímaslyss?

Það fer eftir þeirri tryggingu sem var í gildi þegar slysið átti sér stað og niðurstöðu mats á afleiðingum slyssins. Ekki er hægt að segja til um endanlega bótafjárhæð fyrr en matsgerð liggur fyrir.

Hvenær þarf að tilkynna frítímaslys?

Mikilvægt er að tilkynna frítímaslys eins fljótt og hægt er. Í flestum tilvikum þarf tjónþoli að tilkynna slys innan árs frá því hann mátti gera sér grein fyrir afleiðingum slyssins. Þegar um frítímaslys er að ræða þarf endanlegt örorkumat einnig að liggja fyrir innan tiltekinna tímamarka samkvæmt skilmálum.

Hvað kostar að láta Fortis kanna málið mitt?

Það kostar ekkert að láta kanna hvort bótaréttur sé til staðar.Ef yfirferð Fortis leiðir í ljós að ekki er grundvöllur fyrir bótakröfu greiðir þú ekkert..

Fleiri spurningar

Taktu prófið til að athuga hvort þú eigir bótarétt vegna slyss

Á ég rétt á bótum?

Taka prófið