Vinnuslys

Ef þú slasast við vinnu, eða á beinni leið til eða frá vinnu, getur stofnast réttur til bóta úr kjarasamningsbundinni slysatryggingu launþega og slysatryggingu almannatrygginga. Rétturinn er óháður því hver á sök á slysinu.

Vinnuslys geta orðið með ýmsum hætti. Sum störf eru hættulegri en önnur, til dæmis vegna notkunar véla og tækja, en einnig eru algeng slys vegna falls, hálku eða bleytu á vinnustað.

Hafa samband

Það sem þú ættir að vita

Vinnuslys

Réttur til bóta getur verið til staðar hjá tryggingafélagi vinnuveitanda sem og Sjúkratryggingum Íslands. Ásetningur eða stórkostlegt gáleysi getur þó valdið brottfalli eða skerðingu bótaréttar.

Þú getur átt rétt á greiðslu dagpeninga vegna óvinnufærni og bótum vegna varanlegs miska. Sjúkratryggingar Íslands greiða þó ekki bætur vegna varanlegs miska nema hann sé metinn að lágmarki 10%.

Beri vinnuveitandi ábyrgð á slysinu, til dæmis vegna ófullnægjandi vinnuaðstæðna eða gáleysis annarra starfsmanna, kann jafnframt að stofnast skaðabótakrafa á hendur vinnuveitanda eða tryggingafélagi hans. Umferðarslys eru yfirleitt undanskilin.

Mikilvægt að tilkynna vinnuslys

Mikilvægt er að tilkynna vinnuslys sem fyrst til allra bótaskyldra aðila svo bótaréttur glatist ekki. Fortis getur farið yfir málið með þér, metið stöðuna og aðstoðað við að koma tilkynningum til réttra aðila.

Hér fyrir þig

Mikilvægt er að tilkynna slys sem fyrst til allra bótaskyldra aðila svo bótaréttur glatist ekki. Hafðu samband við lögmenn Fortis til að fá mat á stöðunni. Við viljum að þú nýtir þér þekkingu okkar til að hjálpa þér í gegnum erfitt tímabil.

Fortis

Hafa samband

Vinnuslys

Dæmi

51 árs / Úlnliðsbrot

Leitað til Fortis tveimur vikum eftir slysið. Fyrsta verkefni Fortis var að sjá til þess að vinnuveitandi tilkynnti slysið til réttra aðila. Fortis sá um öll samskipti við bótaskylda aðila, hlutaðist til um nauðsynlega gagnaöflun og sá til að útlagður sjúkrakostnaður yrði endurgreiddur. Ári eftir fyrsta viðtal lágu öll gögn fyrir og Fortis fékk hlutlausan matsmann til að meta afleiðingar slyssins.

Matsniðurstaða lá fyrir þremur vikum eftir matsfund: 15% læknisfræðileg örorka/varanlegur miski. Samanlagðar bætur frá tryggingafélagi vinnuveitanda og Sjúkratryggingum Íslands námu u.þ.b. 4.100.000 kr.

35 ára / Finguráverki

Leitað til Fortis nærri tveimur árum eftir slysið. Fortis sá um öll samskipti við bótaskylda aðila og hlutaðist til um nauðsynlega gagnaöflun. Þremur mánuðum eftir fyrsta viðtal lágu öll gögn fyrir og Fortis fékk hlutlausan matsmann til að meta afleiðingar slyssins.

Matsniðurstaða lá fyrir átta vikum eftir matsfund: 7% læknisfræðileg örorka/varanlegur miski. Bætur námu u.þ.b. 1.300.000 kr.

Við biðjum þig að hafa í huga að hvert mál er einstakt og það eru margar breytur sem hafa áhrif á bótafjárhæðina, t.d. sú trygging sem á í hlut, aldur og matsniðurstaða. Þegar um uppgjör á grundvelli skaðabótalaga er að ræða skipta meðaltekjur fyrir slys einnig máli.

Kynntu þér ferlið

Fortis fylgir þér alla leið

Skref 1

Tilkynning

Mikilvægt er að tilkynna slys sem fyrst til tryggingafélags svo bótaréttur glatist ekki. Lögmenn Fortis aðstoða þig við að tilkynna ef þess er þörf.

Skref 2

Gagnaöflun & meðferð

Þegar þú slasast er mikilvægt að sinna meðferð vel og fylgja ráðleggingum frá læknunum þínum eða sjúkraþjálfurum. Í slysamálum þurfa að liggja fyrir gögn um tjónið, t.d. gögn frá lögreglu og/eða Vinnueftirlitinu, en einnig frá læknum og/eða öðrum meðferðaraðilum . Lögmenn Fortis sjá um að afla nauðsynlegra gagna.

Skref 3

Mat á afleiðingum

Þegar öll gögn liggja fyrir, er hægt að meta afleiðingar slyssins. Almennt er fyrst hægt að meta þegar ár er liðið frá slysadegi. Lögmenn Fortis sjá um og aðstoða þig í gegnum matsferlið.

Skref 4

Uppgjör

Lögmenn Fortis senda bótakröfu á grundvelli matsins. Í flestum tilvikum næst samkomulag um bótagreiðslu en í þeim tilvikum þar sem ekki næst samkomulag sjá lögmenn Fortis um málshöfðun.

Spurt og svarað

Á ég rétt á bótum eftir vinnuslys?

Ef þú slasast við vinnu getur þú átt rétt á bótum úr kjarasamningsbundinni slysatryggingu launþega og slysatryggingu almannatrygginga. Rétturinn er almennt óháður því hver á sök á slysinu. Ef vinnuveitandi ber ábyrgð á slysinu getur einnig komið til skaðabótakrafa á hendur vinnuveitanda eða tryggingafélagi hans.

Telst slys á leið til eða frá vinnu sem vinnuslys?

Slys á beinni leið til eða frá vinnu getur fallið undir slysatryggingu launþega. Skoða þarf aðstæður í hverju tilviki fyrir sig.

Hvað þarf ég að passa upp á eftir vinnuslys?

Mikilvægt er að vinnuslysið sé tilkynnt sem fyrst til réttra aðila. Einnig er mikilvægt að leita til læknis ef þú hefur orðið fyrir meiðslum, sinna meðferð og fylgja ráðleggingum lækna eða annarra meðferðaraðila.

Gögn um slysið og afleiðingar þess geta skipt miklu máli síðar, meðal annars upplýsingar frá vinnuveitanda, Vinnueftirlitinu, læknum og öðrum meðferðaraðilum.

Hvaða bætur get ég fengið eftir vinnuslys?

Þú getur meðal annars átt rétt á dagpeningum vegna óvinnufærni og bótum vegna varanlegs miska. Ef vinnuveitandi ber skaðabótaábyrgð á slysinu geta einnig komið til frekari bætur samkvæmt skaðabótalögum.

Hvað er varanleg fjárhagsleg örorka?

Fólk sem slasast getur orðið fyrir varanlegri skerðingu á getu til að afla vinnutekna til framtíðar. Skerðingin getur til dæmis falist í launalækkun vegna breytts starfsvettvangs eða skertri getu til að þola álag eða stunda yfirvinnu.

Örorka er metin í prósentustigum og matið er einstaklingsbundið. Við það er meðal annars horft til aldurs, menntunar, starfsreynslu, búsetu og fleiri einstaklingsbundinna forsendna. Varanleg fjárhagsleg örorka er metin áður en uppgjör fer fram á grundvelli skaðabótalaga.

Hvað eru miskabætur?

Bætur fyrir miska eru bætur fyrir ófjárhagslegt tjón. Miski er metinn í stigum og við matið er ekki tekið tillit til starfs, sérstakra hæfileika eða þjóðfélagsstöðu. Allir eru því metnir til sama miska vegna sams konar áverka eða einkenna.

Miðað er við svokallaðar miskatöflur við matið. Þannig er til dæmis missir litlafingurs metinn til 5–7 stiga miska hvort sem um er að ræða píanóleikara, lögfræðing eða iðnaðarmann. Miski er einnig kallaður læknisfræðileg örorka.

Hvað er stöðugleikapunktur?

Þegar talað er um stöðugleikapunkt eða batahvörf er átt við þá dagsetningu þegar talið er að heilsufar þitt sé orðið stöðugt eftir slysið og þú munir ekki ná frekari bata.

Hvað kostar að láta Fortis kanna málið mitt?

Það kostar ekkert að láta kanna hvort bótaréttur sé til staðar. Ef yfirferð Fortis leiðir í ljós að ekki er grundvöllur fyrir bótakröfu greiðir þú ekkert.

Fleiri spurningar

Taktu prófið til að athuga hvort þú eigir bótarétt vegna slyss

Á ég rétt á bótum?

Taka prófið