Vinnuslys á sjó

Ef þú slasast við störf á sjó áttu almennt víðtækari rétt á bótum en ef um vinnuslys í landi væri að ræða. Sjómenn þurfa ekki að sýna fram á sök vinnuveitanda til að skaðabótakrafa stofnist. Bótaréttur getur meðal annars verið til staðar hjá tryggingafélagi útgerðarinnar og Sjúkratryggingum Íslands. Hvaða bætur koma til greiðslu fer eftir aðstæðum og afleiðingum slyssins.

Hafa samband

Það sem þú ættir að vita

Vinnuslys á sjó

Réttur til bóta getur verið til staðar hjá tryggingafélagi útgerðarinnar sem og Sjúkratryggingum Íslands. Ásetningur eða stórkostlegt gáleysi getur þó valdið brottfalli eða skerðingu bótaréttar.

Eftir vinnuslys á sjó getur þú meðal annars átt rétt á bótum vegna tímabundins tekjutaps, þjáninga, varanlegs miska og varanlegrar fjárhagslegrar örorku, auk endurgreiðslu á útlögðum sjúkrakostnaði vegna slyssins.

Mikilvægt að tilkynna vinnuslys

Mikilvægt er að tilkynna slysið sem fyrst til allra bótaskyldra aðila svo bótaréttur glatist ekki. Fortis getur farið yfir málið með þér, metið stöðuna og aðstoðað við að koma tilkynningum til réttra aðila.

Hér fyrir þig

Mikilvægt er að tilkynna slys sem fyrst til allra bótaskyldra aðila svo bótaréttur glatist ekki. Hafðu samband við lögmenn Fortis til að fá mat á stöðunni. Við viljum að þú nýtir þér þekkingu okkar til að hjálpa þér í gegnum erfitt tímabil.

Fortis

Hafa samband

Vinnuslys á sjó

Dæmi

31 árs / Finguráverki

Leitað til Fortis tveimur mánuðum eftir slysið. Fyrsta verkefni Fortis var að sjá til þess að vinnuveitandi tilkynnti slysið til réttra aðila. Fortis sá einnig um öll samskipti við bótaskylda aðila og hlutaðist til um gagnaöflun. Ári eftir fyrsta viðtal lágu öll gögn fyrir og Fortis fékk hlutlausa matsmenn til að meta afleiðingar slyssins.

Matsniðurstaða lá fyrir átta vikum eftir matsfund: 5 stiga varanlegur miski og 5% varanlega örorka. Bætur námu u.þ.b. 9.000.000 kr.

55 ára / Hnéáverki

Leitað til Fortis tveimur mánuðum eftir slysið. Fyrsta verkefni Fortis var að sjá til þess að vinnuveitandi tilkynnti slysið til réttra aðila. Fortis sá einnig um öll samskipti við bótaskylda aðila, hlutaðist til um gagnaöflun og sá til þess að tekjutap yrði bætt. Vegna umfangsmikillar læknismeðferðar, þ.m.t. aðgerða, var fyrst tímabært að fá hlutlausa matsmenn til að meta afleiðingar slyssins þegar tvö ár voru liðin frá slysdegi.

Matsniðurstaða lá fyrir fjórum vikum eftir matsfund: 12 stiga varanlegur miski og 20% varanleg örorka. Bætur námu u.þ.b. 19.700.000 kr.

Við biðjum þig að hafa í huga að hvert mál er einstakt og það eru margar breytur sem hafa áhrif á bótafjárhæðina, t.d. sú trygging sem á í hlut, aldur og matsniðurstaða. Þegar um uppgjör á grundvelli skaðabótalaga er að ræða skipta meðaltekjur fyrir slys einnig máli.

Kynntu þér ferlið

Fortis fylgir þér alla leið

Skref 1

Tilkynning

Mikilvægt er að tilkynna slys sem fyrst til tryggingafélags svo bótaréttur glatist ekki. Lögmenn Fortis aðstoða þig við að tilkynna ef þess er þörf.

Skref 2

Gagnaöflun & meðferð

Þegar þú slasast er mikilvægt að sinna meðferð vel og fylgja ráðleggingum frá læknunum þínum eða sjúkraþjálfurum. Í slysamálum þurfa að liggja fyrir gögn um tjónið, t.d. gögn frá lögreglu og/eða Vinnueftirlitinu, en einnig frá læknum og/eða öðrum meðferðaraðilum . Lögmenn Fortis sjá um að afla nauðsynlegra gagna.

Skref 3

Mat á afleiðingum

Þegar öll gögn liggja fyrir, er hægt að meta afleiðingar slyssins. Almennt er fyrst hægt að meta þegar ár er liðið frá slysadegi. Lögmenn Fortis sjá um og aðstoða þig í gegnum matsferlið.

Skref 4

Uppgjör

Lögmenn Fortis senda bótakröfu á grundvelli matsins. Í flestum tilvikum næst samkomulag um bótagreiðslu en í þeim tilvikum þar sem ekki næst samkomulag sjá lögmenn Fortis um málshöfðun.

Spurt og svarað

Á ég rétt á bótum eftir vinnuslys á sjó?

Sjómenn sem slasast við störf á sjó eiga almennt víðtækari rétt á bótum en þegar um vinnuslys í landi er að ræða. Ekki þarf að sýna fram á sök vinnuveitanda til að skaðabótakrafa stofnist.

Réttur getur meðal annars verið til staðar hjá tryggingafélagi útgerðarinnar og Sjúkratryggingum Íslands.

Hvaða bætur get ég fengið eftir vinnuslys á sjó?

Þú getur meðal annars átt rétt á bótum vegna tímabundins tekjutaps, þjáninga, varanlegs miska og varanlegrar fjárhagslegrar örorku. Einnig getur verið réttur til endurgreiðslu á útlögðum sjúkrakostnaði vegna slyssins.

Ekki er hægt að segja fyrirfram hversu háar bætur verða. Bótafjárhæð fer meðal annars eftir aldri, tekjum fyrir slysið og niðurstöðu mats á afleiðingum þess.

Hvað þarf ég að passa upp á eftir vinnuslys á sjó?

Mikilvægt er að leita til læknis eins fljótt og kostur er eftir slysið. Ef langur tími líður þar til leitað er læknis getur orðið erfitt að sýna fram á að áverki eða einkenni séu afleiðing slyssins.

Einnig er mikilvægt að slysið sé tilkynnt sem fyrst til réttra aðila og að geyma frumrit kvittana vegna læknis-, lyfja- og sjúkraþjálfunarkostnaðar svo hægt sé að gera kröfu um endurgreiðslu.

Hvað er varanleg fjárhagsleg örorka?

Varanleg fjárhagsleg örorka er skerðing á getu til að afla vinnutekna til framtíðar vegna afleiðinga slyss. Hún getur til dæmis falist í launalækkun vegna breytts starfsvettvangs eða skertri getu til að þola álag eða stunda yfirvinnu.

Örorka er metin í prósentustigum og matið er einstaklingsbundið. Við matið er meðal annars horft til aldurs, menntunar, starfsreynslu, búsetu og annarra einstaklingsbundinna aðstæðna. Varanleg fjárhagsleg örorka er metin áður en uppgjör fer fram á grundvelli skaðabótalaga.

Hvað er örorkumat?

Örorkumat er yfirleitt grundvöllur þeirrar bótakröfu sem gerð er vegna slyss. Almennt er í fyrsta lagi hægt að meta afleiðingar slyss þegar ár er liðið frá slysinu, en frá því geta verið undantekningar, til dæmis ef frekari læknismeðferð eða aðgerð er fyrirhuguð.

Matið byggir á gögnum um slysið og afleiðingar þess ásamt viðtali og læknisskoðun. Hlutlaus matsmaður eða matsmenn sjá um matið.

Hvað kostar að leita til Fortis vegna vinnuslyss á sjó?

Fyrsta viðtal hjá Fortis er þér að kostnaðarlausu. Fortis leggur í flestum tilfellum út fyrir kostnaði vegna læknisvottorða og annarra nauðsynlegra gagna þannig að í upphafi máls þarft þú almennt ekki að greiða fyrir gagnaöflun eða lögmannsaðstoð.

Kostnaður vegna lögmannsaðstoðar er að jafnaði greiddur þegar gengið hefur verið frá bótauppgjöri. Þegar uppgjör fer fram samkvæmt skaðabótalögum, eins og við vinnuslys á sjó, greiðir viðkomandi tryggingafélag lögmannskostnað að stórum hluta.

Hver er munurinn á vinnuslysi á sjó og vinnuslysi í landi?

Sjómenn eiga almennt víðtækari bótarétt en starfsfólk sem vinnur í landi og þurfa ekki að sýna fram á sök vinnuveitanda til að skaðabótakrafa stofnist. Sjómönnum eru tryggðar bætur eftir skaðabótalögum óháð sök. Starfsfólk í landi á rétt til bóta úr slysatryggingu launþega, sem greiðir að jafnaði aðeins bætur vegna tímabundinnar örorku eða varanlegrar læknisfræðilegrar örorku. Ef starfsfólk í landi telur vinnuveitanda bera skaðabótaábyrgð á tjóni vegna vinnuslyss, ber það sönnunarbyrðina fyrir því að skilyrði skaðabótaábyrgðar séu uppfyllt.

Fleiri spurningar

Taktu prófið til að athuga hvort þú eigir bótarétt vegna slyss

Á ég rétt á bótum?

Taka prófið